Во Кина е регистриран само еден нов случај на корона вирусот, а во текот на претходниот ден само 12, соопштија кинеските здравствени власти. Новорегистрираниот пациент со Ковид-19, допатувал во Кина од странство. Вкупниот број на заразени во Кина изнесува 82.875, a починаа вкупно 4.633 лица.

Најтешка е ситуацијата се уште во САД, каде до сега заболеа 1.131.492 што е една третина од вкупниот број инфицирани луѓе во светот, а починаа речиси 66.000 луѓе.

Американската агенција за храна и лекови (ФДА) итно го одобри за употреба лекот ремдесивир, со кои се лекуваа пациенти инфицирани со ебола, па сега ќе се користи и за новиот корона вирус.  Како што пренесува Би-Би-Си, со овој антивирусен лек ќе се лекуваат луѓето со најтешка клиничка слика кои се хоспитализирани.