На социјалните мрежи преку огласи се бараат работници за работа во Германија во кои се наведува дека за препишување текст од кирилица на латиница и обратно може да заработите и до 2.000 евра месечно.

Во Фејсбук групата Работа во Германија - огласи, информации, работа во странство, со една објава се бараат работници.

- Нудиме работа од дома. Станува збор за препишување на текстот од латиница на кирилица и обратно. Месечно можете да заработите до 2.000 евра. Заинтересираните нека стапат во контакт, има уште неколку слободни места - се наведува во огласот.

Инаку, често на социјалните мрежи можеме да читаме огласи за работа во странство на одреден временски период, а платите се движат од неколку илјади евра.

Угостителството е една од областите во кои работат повеќето луѓе од Балканот во Германија, а просечните плати се движат од 2.000 до 3.000 евра.

Работниците во угостителството често добиваат бакшиш и бесплатен оброк за време на работното време, а има и поволности како што се флексибилни часови и можности за напредување во кариерата.

Примери за просечни плати во Германија за најчестите позиции во германските ресторани:

Келнер - 1.650 - 3.750 евра

Готвач - 2.400 - 6.500 евра

Пекар 1.590 - 4.000 евра

Рецепционер - 1.700 евра

Менаџер за настани - 3.500 евра