Саудиска Арабија ќе издаде нови визи за 700 000 домашни помошнички во обид да се ублажи недостигот на лица кои би работеле како домашни помошнички, а и да се спречи вработувањето на „црно”.

Саудиското министерството за труд ангажирало 10 компании чија работа е да најде и да вработат нови странци, пренесуваат локалните медиуми.

Недостатокот на домашни помошнички доведе до брз раст на „црниот пазар”. Тие  заработуваат плата поголема од 400 долари месечно што е поставена како граница од страна на владата.

Статистичките податоци моментално покажуваат дека во Саудиска Арабија има вработено повеќе од 8 милиони странски работници од кои околу 200 илјади се од западните земји.