Украинската јавна обвинителка Ирина Венедиктова денеска изјави дека досега се пронајдени 1.222 тела во регионот околу главниот град Киев.

– Пронајдовме 1.222 мртви само во регионот на Киев – изјави Венедиктова во интервју за британски „Скај њуз“.

Обвинителката соопшти дека Украина отворила 5.600 случаи на наводни воени злосторства од почетокот на војната.

Венедиктова додаде дека нејзината земја идентификувала околу 500 осомничени воени злосторници, вклучувајќи и високи руски воени и политички функционери, меѓу кои е и рускиот претседател Владимир Путин, кого обвинителката го нарече „главниот воен злосторник на 21-от век“.

Таа сепак призна дека ќе биде тешко да се процесуираат виновниците за злосторствата.

Фото: EPA/OLEG PETRASYUK