Според изјавите на координатор при британското МНР за престојниот Самит за Западен Балкан, Ендру Пејџ, следниот Самит, во рамки на Берлинскиот процес, ќе биде одржан на 9 и 10 јули во Лондон, а една од главните теми ќе биде помош при дигиталната трансформација. Тој истакна дека Велика Британија и покрај Брегзит, сака да остане посветена на регионот Западен Балкан.

„Приоритети ќе бидат економската стабилност, поврзаноста на земјите во ргеионот, натамошен развој на инфраструктура – патишта, железница, помош при дигиталната трансформација и претприемништвото меѓу младите“, истакна Пејџ.

Пејџ потенцираше дека во изминатите години е направен голем напредок и потсети дека во Траст е потпишан Акциски план за заедничко економско подрачје во регионот, со цел унапредување на трговијата и инвестиции на Западен Балкан.