САКАЛЕ ДА ГИ ЗАКОЛАТ ПРЕД КУРБАН БAJРАМ: Во социјален стан во Ница најдени 40 овци
Во градот Ница во Франција се пронајдени 40 овци незаконски чувани во социјален стан, кој инаку требало да биде празен.
Животните биле обележани и сместени во стан од 50 квадратни метри каде имало и слама. Полицијата пронашла и веќе заклана овца во објектот. За случајот, уапсени се двајца мажи кои носеле маици измачкани со крв, објави телевизијата „Франс 3“.
Надлежните се сомневаат дека овците требало незаконски да бидат заклани пред муслиманскиот празник, Курбан Бајрам.
Крим-службата ги нашла овците во неделата, пo проверка на станбената зграда. Овците се предадени на одгледувач.
foto Twitter/Anthony Borre
Слично
Поврзани вести
