САД ќе затвори 15 воени бази ширум Европа, што на Пентагон ќе му заштеди околу 500 милиона долари годишно, изјавил Чак Хејгел, пренесува Би-Би-Си.

Многу воени бази кои ќе бидат затворени се „мали бази кои биле остатоци од Студената војна“ и стационирани се претежно во Велика Британија и Португалија, а се однесуваат на припадниците на американските копнени сили во Европа.

САД, во моментов има повеќе од 60.000 свои војници стационирани во Европа, воглавно во Германија, Италија и Велика Британија и нивниот број ќе остане ист бидејќи  Вашингтон планира да ги „ротира“ внатре во Европа и да ги вклучи во програмите за обука, наведува Би-Би-Си.

Американскиот секретар наведува дека целта е да се зголеми ефикасноста на американското воено присуство во Европа и доаѓа после тежнеењето на Вашингтон да го пренасочи вниманието кон Азија.