Американски авион за полнење гориво беше изгубен за време на воените операции против Иран, соопшти Централната команда на САД. Леталото паднало во Ирак, а официјални извори тврдат дека се работи за инцидент.

- Централната команда на САД е свесна за губењето на американскиот авион за полнење гориво KC-135. Инцидентот се случил во пријателски воздушен простор за време на операцијата „Епски бес“, а спасувачките операции се во тек. Во инцидентот учествувале два авиона. Едниот авион се урна во западен Ирак, додека другиот слета безбедно, се вели во соопштението.

Тие додадоа дека Боингот KC-135 Стратотанкер „не бил изгубен од непријателски или пријателски оган“.