САД и натаму остануваат важен европски партнер на глобалната сцена, и покрај разликите меѓу двете земји. Ова го изјави германскиот министер за надворешни работи, Зигмар Габриел, во понеделникот пред да замине за Вашингтон, каде што ќе се состане утре со американскиот државен секретар, Рекс Тилерсон. "И покрај фактот што во минатото не наоѓаве заеднички јазик, Америка останува важен партнер на Европа", рече тој.

Министерот исто така потврди дека тој и Тилерсон ќе разговараат за нуклеарната програма на Северна Кореја, ситуацијата во Авганистан, кризата во Катар, задржувањето на нуклеарниот договор со Иран и санкциите на Вашингтон против Русија.

Изјавата на министерот за надворешни работи доаѓа во услови на некои несогласувања околу клучните прашања за надворешната политика меѓу САД и Германија, проследени со климатските промени, договорот со Техеран и други. Исто така, претходно минатата недела, канцеларката Ангела Меркел рече дека Германија нема автоматски да застане на американската страна во воената конфронтација на САД против КНДР.