Американскиот претставник во преговорите за обновнување на дипломатските односи со Куба, Роберта Џејкобсон изјави дека по вториот круг од разговорите тие биле конструктивни и дека е можно наскоро двете страни да отворат амбасади, и тоа пред Самитот на Јужна и Северна Америка. Џејкобсон сепак смета дека и покрај напредокот во вториот круг од преговорите, кој се одржа вчера во Вашингтон, се уште има сериозни несогласувања меѓу двете страни. На Самитот, кој ќе се одржи на 10 и 11 април во Панама, се очекува да присуствуваат американскиот претседател Барак Обама и кубанскиот претседател Раул Кастро.   Љ.Н.