Соединетите Американски Држави одобрија потенцијална продажба на оружје и воена опрема за Украина во вредност од 373,6 милиони долари, односно околу 319,5 милиони евра.

Според соопштението на Стејт департментот, станува збор за пакет во рамки на програмата за странски воени продажби, кој вклучува комплети „JDAM-ER“ за бомби со ГПС-наведување и продолжен дострел, како и придружна опрема.

Продажбата опфаќа 1.200 опашни комплети „KMU-572 JDAM“ и 332 комплети „KMU-556 JDAM“, системи за детонација, резервни делови, логистичка поддршка и техничка документација.

Од Вашингтон наведуваат дека предложената продажба треба да ја зајакне безбедноста на Украина и да ги поддржи надворешнополитичките и безбедносните цели на САД во Европа.