До 2020 година САД ќе ја  стигне Саудиска Арабија и ќе стане најголемиот производител на нафта во светот, прогнозира Меѓународната агенција за енергетика , пренесува „MarketWatch“. Оваа радикална промена ќе ги трансформира не само светскитата набавка со енергенси, туку и целата геополитика, дополнуваат од Агенцијата. Како резултат на ова ќе се намали увозот на нафта во САД, а  до 2030 година веројатно земјата ќе стане и извозник на сурова нафта. Во редовниот годишен извештај за изгледите на светската енергетика, Агенцијата наведува дека светската енергетска мапа во моментов се менува поради зајакнувањето на производството на нафта и гас во САД. Мислењето на Агенцијата е радикално поинакво  од минатогодишната прогноза. Тогаш се предвидуваше натпревар меѓу Русија и Саудиска Арабија. Оваа промена се должи на развојот на јаглеводородните ресурси на Америка, заробени во карпите, посочуваат од Агенцијата за енергетика. Од нив подоцна се создава нафтата.