Претседателот на САД, Барак Обама ги зголеми санкциите против Венецуела поради кршење на човековите права. Тој исто така најави дека владата на таа земјата ги прекршила правата и ги опиша како закана за националната безбедност на САД, соопштува Ројтерс.

Обама наредил санкционирање на 7 официјални претставници на Венецуела, вклучително и замрзнување на нивните американски средства и забрана за влез на територијата на САД.

Поранешни и сегашни венецуелски официјални претставници, кои ги кршат човековите права на граѓаните на Венецуела и се поврзани со корупција, нема да бидат поздравени од САД. И сега ги имаме алатките да ги блокираме нивните средства и употребата на нивните американските финансиски системи, изјавил портпаролот на Белата куќа.

Белата куќа ја повика Венецуела да ги ослободи сите политички затвореници.

Венецуела е во сериозна криза поради зголемувањето на цените и ограничениот пристап до стоки. Пред две недели Владата на јужноамериканската земја и даде две недели на американската амбасада во Каракас да го намали дипломатскиот персонал од околу 100 на 17 вработени. Исто така се воведуваат и визи за американските граѓани.