САД почнаа да го преместуваат во Романија арсеналот од нуклеарно оружје, лоциран на територијата на Турција, објави EurActiv, повикувајќи се на свои извори.

Овој трансфер е голем предизвик од техничка и политичка гледна точка.

„Не е лесно да се преместат повеќе од 20 нуклеарни оружја" - вели изворот на EurActiv, кој побарал анонимност.

Тоа е очигледен знак за влошување на односите меѓу Вашингтон и Анкара. Изгледа американските воени сили веќе не ја гледаат Турција како доволно сигурен сојузник.

Другиот извор на EurActiv, кој исто побарал анонимност, истакнува дека новата локација за распоредување на нуклеарниот арсенал е романската база „Девеселу", во близина на градот Каракаш, во која се наоѓа и американскиот противракетен штит кој ја налути Русија.

Од романското Министерство за надворешни работи категорично ги демантираа информациите. Вообичаена практика е сепак секоја информација поврзана со нуклеарно оружје, која ќе се појави во медиумите да биде негирана. Министерствата за надворешни работи на САД и Турција се откажале од коментар на барањето на EurActiv.