Француските железници и мрежата на брзи возови  денеска беа цел на во серија координирани акции што доведоа до големи прекини во сообраќајот на некои од најпрометните железнички линии во земјата.

Подметнување на пожари

Државниот железнички оператор рече дека вандалите биле насочени кон инсталации долж линиите што го поврзуваат Париз со градовите како Лил на север, Бордо на запад и Стразбур на исток, пренесува Ројтерс.

Сите патници се повикуваат да ги одложат патувањата. Поправките се во тек, а железничкиот сообраќај ќе биде сериозно нарушен барем до крајот на викендот.

View from one of the various #French Train stations after a "wave of coordinated attacks" paralyzed French #High speed railways nationwide in France hours before the start of the #Olympic games pic.twitter.com/5LiXy8iC9i

— Uncensored News (@Uncensorednewsw) July 26, 2024

„SNCF беше жртва на неколку вандалски чинови на брзите линии на Атлантикот, северот и истокот. Пожарите беа намерно подметнати за да ги оштетат нашите инсталации“, соопштија од француските железници.

Сето тоа се случува неколку часа пред свеченото отворање на Олимписките игри во Париз, каде безбедносните мерки се на невидено ниво, со десетици илјади полицајци и војници кои го обезбедуваат настанот.