Втората најголема германска енергетска компанија RWE ќе отпушти уште 6700 работници во Европа до 2016 година , објави економскиот дневен весник " Лез еко ", повикувајќи се на изјава на портпаролот на компанијата . Вознемирувачките предвидувања на компанијата за следната година доведоа до зголемување на претходно најавените отпуштања. Вкупниот број на ослободените службеници ќе ја надмине бројката од 10 илјади луѓе . Отпуштањата ќе влијаат на целата група , главно во Германија , Велика Британија и Источна Европа . Само во Германија , најверојатно, ќе бидат отпуштени уште 4.700 работни места. Претходно RWE објави дека во третиот квартал на годината подготвила дополнителни мерки за намалување на трошоците за наредните четири години , кои изнесуваат 1 милијарда евра . Компанијата која вработува над 63 000 работници во Европа , очекува нето приходи од 1,3 и 1,5 милијарди евра следната година , што е пад од помеѓу 38% до 48 % од 2,4 милијарди предвидени за 2013 година.