Украинскиот министер за одбрана Рустем Умеров најави враќање на Крим во 2024 година. 

Умеров во интервју за германски „Билд“ кажа дека Украина ќе го врати полуостровот кој Русија го анектираше во 2014 година. 

„Јас сум 100 отсто сигурен. Ова е нашата стратешка цел – да се вратиме на меѓународно признатите граници. Ние сме во состојба да го направиме тоа со поддршка од нашите партнери. Нема сомнеж дека ќе победиме. Ние не ја започнавме оваа војна, но ќе ја завршиме. Секако, тоа ќе биде тешко без опрема за електронско војување, без беспилотни летала, без артилерија, без гранати. Тешко е, но нема да се предадеме. Ќе продолжиме да се бориме“, вети Умеров.

Тој потсети дека е роден во Централна Азија во семејство на кримски Татари кои ги депортираа советските власти. Кажа Русија е „на темната страна на историјата“. Вели дела режимот на рускиот претседател Владимир Путин е осуден од целиот цивилизиран свет.  Актуелниот министер за одбрана на Украина е назначен на својата функција во септември. Украинската армија планира да мобилизира до 500.000 луѓе. Русија на 24 февруари лани ја нападна Украина и војната уште трае. 

foto Facebook/Rustem Umerov