Само неколку дена откако Русија успешно организираше референдум и прогласи обединување со Доњецката Народна Република, Луганската Народна Република, Запорожје и Херсонскот регион, руската армија загуби стратешки многу важен град, североисточно од Доњецк - Лиман.

На овој начин, руските единици откажаа се што правеа во областа во текот на летото и го напуштија градот што го користеа како логистички центар за целиот регион Доњецк. Од друга страна, украинската армија дојде во одлична позиција да навлезе понатаму во регионот на Луганск.

Двете страни потврдија дека украинската војска влегла во Лиман, но овој факт различно го толкуваат. Кремљ соопшти дека руската армија се повлече од Лиман „на поповолни позиции поради опасноста да биде опколена“ додека Украинците ја славеа победата со подигнати синожолти знамиња во градот и со пораката дека бројот од 5.000 руски војници е значително намалени за време на борбите.

„Падот“ на Лиман не е неочекуван

Претседателот на Центарот за геостратешки истражувања и тероризам на Србија, Владе Радуловиќ за „Блиц“ изјави дека за него не бил неочекуван поразот на руската војска во Лиман.

- Тоа беше сигурно пред три-четири дена кога украинските сили го опколија градот од три правци: од југ, север и запад. После тоа имаше само обид на Русија да ги повлече остатоците од своите трупи. Тие претрпеа големи загуби при повлекувањето, поради што владее големо незадоволство во руската армија - нагласи Радуловиќ.

Како што вели тој, дали украинската армија ќе продолжи да напредува зависи од многу фактори.

- Ценам дека Русија сега формира одбранбена линија по линијата Сватова-Рубижноје и ако Украинците продолжат вака да напредуваат, наскоро ќе ги гледаме истите битки во Северодонецк и Лисичанск како што ги имавме пред еден месец. Многу ќе зависи од времето, условите, теренот - оценува Радуловиќ.

Извор: Блиц.рс