Најмалку седум цивили, вклучувајќи и две деца, загинаа во руски воздушни напади, извршени во сириската провинција Идлиб, соопшти „Франс прес“, повикувајќи се на Сирискиот центар за набљудување на човековите права.

Во руските напади биле убиени четворица цивили, вклучувајќи дете и една жена, во Џабал јас Зауиа - важен регион во покраината, контролирана од филијалата на Ал Каеда во Сирија и од исламистички бунтовнички групи, посочува центарот.

Уште тројца цивили, вклучувајќи девојче и жена, загинале во бомбардирањето на руските авиони во месноста Хабит во истата провинција, додава организацијата.

Руската кампања со воздушни напади во Сирија ќе продолжи „три до четири месеци“ со зголемување на интензитетот. Тоа го изјави денеска Алексеј Пушков, претседател на комисијата за надворешни работи на Државната дума - Долниот дом на рускиот парламент, пренесе „Франс прес“.

Ризик да има загинати има секогаш, но во Москва се зборува за три-четиримесечна операција, изјавил Пушков за француското радио „Јороп 1“. Руските воздушни напади сигурно ќе станат поинтензивни, додал тој во одговор на прашање.

Ударите на меѓународната коалиција на чело со САД, според него, не се доволно ефикасни и треба да се префрлат на нова фаза во борбата против „Исламска држава“ во Сирија.

„Сметам дека е од значење токму интензитетот. Американската коалиција се правеше дека го ослабува „Даеш“ (арапска кратенка на ИД) цела година - без резултат. Ако работите се вршат поефикасно, според мене тоа ќе се види“, изјавил Пушков .

„Само 20 отсто од операциите (на меѓународната коалиција) дадоа резултат. Во 80 отсто (од случаите) тие дури не презедоа напад“, изјавил тој.

Рускиот парламентарец ги отфрлил обвинувањата на Западот дека доставата на Москва на борбени авиони не бомбардираат главно објекти на ИД или не само нив. „Основна цел се групите од „Даеш“ лоцирани најблиску до Дамаск“, прецизира тој. Западот истакнува дека Русија нанесува удари далеку од базите на ИД во источна Сирија, појаснува „АФП“.

„Разумна идеја“ е според него да се организира меѓународна конференција, која ќе ги фрли мостовите помеѓу Башар Асад и Иран. Владата на Асад денес е единствената воена сила на теренот, која се бори против ИД, додал тој. „Не го сметаме Асад за единствениот виновник“ за хаосот во Сирија и за жртвите од четиригодишниот конфликт - „земјите од Блискиот Исток и делумно западните земји, кои го поддржале вооружениот отпор, исто така, носат одговорност за ситуацијата“, изјавил Пушков.

Претседателот на Франција, Франсоа Оланд може да одигра важна улога во подобрувањето на односите помеѓу Русија и САД, истакнал московскиот политичар. Според него е „неопходно токму Европа да им наведе на САД колку е важно да се дејствува поактивно за затоплување во односите со Русија“, информира „ТАСС“.

Русија воопшто не ја загрозува Европа, истакнал Пушков. „Украинската криза е прашање единствено на односите помеѓу Русија и Украина, тоа не влијае на Европа. Владимир Путин беше досега и понатаму ќе биде пријател на Европа. Но пријател на Европа, кој ги брани сопствените интереси на Русија, што е сосема логично“, додал рускиот пратеник.