Русите целосно уништија трговски центар во главниот украински град Киев, при што има најмалку осуммина загинати. Можно е бројот на жртви да биде поголем. 

По ракетниот напад се запалиле и неколку околни возила, соопшти украинската Служба за итни состојби, а оттаму додаваат и дека 63 пожарникари го гаселе пожарот кој го зафатил третиот и четвртиот кат на трговскиот центар, пренесуваат украинските медиуми.

„Како последица на непријателскиот ракетен напад и пожарот кој следеше потоа, трговскиот центар е уништен, прозорците на околните станбени згради испукаа, а оштетени се и паркирани возила“, пишува во објава на врховното обвинителство на Телеграм.

Украина не го предаде Мариупол, а претседателот Володимир Зеленски изјави дека нема да дозволат ниту еден град да падне под руска окупација.