Добитникот на Нобеловата награда за мир, Дмитриј Муратов го продава својот медал на аукција за да им помогне на украинските бегалци. Средствата собрани од аукцијата во Њујорк на 20 јуни ќе бидат наменети за хуманитарните напори на УНИЦЕФ.

Муратов ја доби наградата во 2021 година за неговата работа во сега цензурираниот руски весник Новаја Газета.

Муратов беше главен уредник на сега веќе цензурираниот руски весник Новаја Газета. Тој ја доби Нобеловата награда заедно со колешката новинарка Марија Реса од Филипини за „нивните напори да ја заштитат слободата на изразување, што е предуслов за демократија и траен мир“, пренесува Businessinsider.

Муратов сега го исполнува своето ветување во март дека ќе го донира медалот за украинските бегалци, откако повика на аукциска куќа да му помогне да го стави предметот на продажба.

Медалот на Муратов е наведен на листата на Heritage Auctions, а неговата аукција ќе се одржи на 20 јуни во Њујорк.

„Еден успешен понудувач ќе замине од оваа аукција со златен медал што го претставува животното дело и жртвата на г-дин Муратов. Сепак, негова желба е СИТЕ да учествуваат со донирање, пишува на огласот.

Сите приходи од продажбата на медалот ќе бидат наменети за хуманитарните напори на УНИЦЕФ за украинските деца раселени од војната. „Њујорк тајмс“ објави дека паричната награда од 500.000 долари доделена на Муратов ќе биде донирана на неколку добротворни организации покрај средствата од аукцијата.

Говорејќи за Тајмс, Муратов рече дека аукцијата е „чин на солидарност“ со народот на Украина поради руската инвазија на земјата. Тој рече дека бил инспириран од данскиот физичар Нилс Бор, кој исто така го ставил својот медал за Нобеловата награда за физика на аукција за да собере пари за финската војна против советската инвазија во 1939 година.

„Ако го погледнеме бројот на бегалците, во основа имаме Трета светска војна, а не локален конфликт“, изјави Муратов за Тајмс. „Ова беше грешка и треба да ставиме крај.