Поморскиот офицер на Русија Константин, на руската телевизија проговори за можноста Русија да ја употреби нуклеарна ракета „Сармат“ за да погоди вулкан во Националниот парк Јелоустоун во САД. Сивков, кој често зборува за воени прашања - зборуваше за она што тој го нарече „специјално оружје“, наведува Newsweek.

Според него, моќните ракети Сармат можат да испорачаат „голем број нуклеарни боеви глави до целта“ и имаат способност да „удираат над Јужниот пол“. Тој додаде дека САД се „ранливи“ на такво оружје, за кое рече дека „претставуваат закана“ за вулканот Јелоустоун.

Националниот парк Јелоустоун се наоѓа во северозападниот агол на Вајоминг и се протега во Монтана и Ајдахо. Сивков за време на гостувањето зборуваше и за можноста руската војска да се обиде да предизвика земјотрес пред да се врати на темата „активирање на вулканот“.

Тој рече дека руската моќна подморница „Белгород“ моментално се наоѓа во Тихиот Океан и посочи дека Сан Андреас и Сан Јакинто во Калифорнија се наоѓаат во близина на морето.

„Ако бидат погодени, би можеле да предизвикаат активирање на целиот огнен лак на Пацификот, потоа доаѓа Јелоустоун, па вулканите на алеутската мрежа... прво, овие пукнатини би експлодирале, а потоа би го урнал целиот западен брег на Соединетите Држави, а потоа може да го разнесе овој вулкан“, рече тој.

Идејата иницирана од Сивков не е прва од ваков вид.Во написот од 2015 година што го напиша за рускиот државен медиум ВПК Њуа, Сивков рече дека Москва може да се спротивстави на „движењето на НАТО кон границите“ на Русија со употреба на нуклеарно оружје во близина на супервулканот Јелоустоун или раседот Сан Андреас.

„Геолозите веруваат дека супервулканот Јелоустоун може да експлодира во секој момент. Таму има знаци на растечка активност. Затоа, релативно мал удар е доволен за да предизвика ерупција. Последиците ќе бидат катастрофални за Соединетите Држави - земјата едноставно исчезнува“, напиша тој, објави The Sidney Morning Herald.