Рускиот новинар Дмитри  Муратов ја продава Нобеловата награда за да им помогне на украинските бегалци. 

Тој е главен уредник на рускиот весник „Новаја газета“, и денеска изјави дека Нобеловата награда за мир што ја доби минатата година ќе ја стави на аукција за да собере фонд за помош на украинските бегалци, јавува Ројтерс.

Муратов и „Новаја газета“ во нивното соопштение повикуваат и на пет итни мерки што треба да се имплементираат во Украина – прекин на огнот, размена на воени заробеници, враќање на загинатите војници во нивната матична земја, создавање на хуманитарни коридори и помош на бегалците.

Инаку, „Новаја газета“ како последен критички настроен весник во Русија, од почетокот на март го избегнува известувањето за војната и руската инвазија на Украина поради воспоставената цензура и заканите за кривично гонење. 

Во Украина има неколку милиони внатрешно раселени лица. 

Според Обединетите Нации(ОН), бегалците од Украина се близу 3,5 милиони луѓе. 

foto Reuters