Поранешниот началник на Генералштабот на руските вооружени сили, Јуриј Балуевски,  го критикуваше претседателот Владимир Путин за неговиот неуспех во војната против Украина. Кажа дека  неговиот неуспех и слабоста  ја доведува во прашање иднината на земјата.

Во говорот пред Руската јавна комора, Балуевски потсети дека Русија прва развила хиперсонично оружје. 

„А што направивме ние? Гласно се фалевме: „Имаме оружје што никој друг го нема и нема да го има наскоро. Но, тоа не ја направи нашата земја побезбедна“, вели генералот. 

Балуевски (79), кој беше на чело на Генералштабот од 2004 до 2008 година, го обвини Путин дека не одговорил на специфични украински напади, како што се нападот со беспилотни летала врз зградата на Сенатот во Кремљ во 2023 година или рускиот авион за рано предупредување AWACS.

„Разговаравме за црвени линии, но уште колку црвени линии можат да се преминат? Не знам како се чувствувавте кога украински дрон слета на куполата на зградата каде што живее врховниот командант. Да не ги спомнуваме нападите со беспилотни летала врз нашите авиони за рано предупредување. Кога овие беспилотни летала ги погодија нашите објекти, постојано чекав и се прашував... па, кога ќе одговориме?“, кажа генералот. 

Балујевски, кој претходно беше познат по тоа што се залагаше за превентивни нуклеарни напади во случај на егзистенцијална закана за Русија, го заврши својот говор со низа реторички прашања за понатамошната стратегија.