На југот од Русија утрово загинаа 18 лица, а повеќе од 30 се спасени, кога автобус со градежни работници излета од патот и слетал во Црното Море. 

Овие податоци ги соопшти Цивилната одбрана на Краснодарски крај и руското Министерство за вонредни ситуации.

„Спасувачите го пронајдоа телата на 18 лица кои загинале во несреќата“ - вели неименуван претставник на Службата за вонредни ситуации.

Локалните медиуми јавија дека според неофицијалните информации, причината за несреќата била непочитување на патни знаци.

Започната е истрага за случајот.

Министерството за вонредни работи соопшти дека автобусот и припаѓал на компанија која работела на пристаништето во Волна, село кое се наоѓа на полуостровот Таман. Русија прави мост кој ќе го поврзува Крим со Таман.