Руската војска ќе обезбеди 50 интерконтинентални балистички ракети оваа година, рекол началникот на рускиот Генералштаб Валериј Герасимов.

Со ова руската војска ќе го задржи високото темпо на модернизација и покрај бавниот раст на економијата, пренесува АФП.

Оваа изјава на Герасимов следела после моментот на растечките тензии помеѓу Русија и Западот околу Украина, каде борбите на проруските сили и украинската војска повторно овој месец се зголемиле после релативно мирниот период.

Герасимов рекол дека модернизацијата на оружјето би требало да спречи САД и НАТО да остварат воена надмоќ во однос на Русија.

Тој навел дека развојот на стратешките нуклеарни сили е главен приоритет.

Герсимов нагласил дека Русија развива и прецизно конвенционално оружје на далек домет како одговор на американскиот програм Брз глобален удар.