Руската полиција уапси двајца осомничени за убиството на Немцов!
Двајца осомничени се уапсени во врска со убиството на рускиот опозициски лидер Борис Немцов, објави Ројтерс.
Рускиот претседател Владимир Путин е известен за апсењето, изјави директорот на Федералната служба за безбедност Александар Бортников на руската државна телевизија "Русија-24".
„Како резултат на извршената работа денес беа приведени двајца осомничени за злосторството. Уапсените се Анзор Губашев и Заур Дадаев, за што беше информиран државниот врв“, изјави Бортников.
Тој прецизира дека осомничените се родум од Кавказ. Оперативните и истражни дејствија продолжуваат, додаде шефот на ФСС.
Слично
Поврзани вести
