Централната банка на Русија во рок од една недела ќе ги отстрани сите технички пречки за воведување и користење на руската рубља како валута на Крим. Рубљата треба да ја замени украинската гривна, откако жителите на Крим на референдум се изјаснија дека се за отцепување од Украина и приклучување кон Русија. Веќе започнала испораката на првите мобилни центри за пресметка и обработка на сите плаќања, како и за следење на текот на готовите пари. „Мобилните кеш центри“ треба да ја обезбедат исплатата на пензии, социјална помош и заеми на Крим, по заканите на Киев дека со блокада на системот целосно ќе биде укинато финансирањето на оваа област од украинскиот државен буџет.