Русија соопшти дека за еден ден се погодени повеќе од 240 воени локации во Украина. 

Информацијата денеска ја соопшти портпаролот на Министерството за одбрана на Русија, генерал-мајор Игор Конашенков. Вели дека продолжуваат со удари во воени објекти на украинска територија. 

„Во претходните 24 часа уништија 12 командни штабови, четири проектили и артилериско оружје, магацини за муниција во населбата Никаноровка во Народна Република Доњецк и градот Миколаев, како и персонал и воена опрема на 226 места“, рече Конашенков, пренесува ТАСС.

Кажа дека руската авијација ја нападнала 406-та артилериска бригада на украинската армија во населбата Апостолово во областа Дњепропетровск и дека „елиминирани се 200 војници, уништени се девет артилериски пушки, како и дополнителна воена опрема“.

Шест експлозии одекнаа денеска во главното украинско пристаниште Одеса, ден откако Киев и Москва постигнаа договор во Истанбул за деблокирање на извозот на украинското жито.