Последниот лански квартал беше катастрофално лош за рускиот пазар на компјутери и ноутбуци, оценува весникот „Ведомости“, повикувајќи се на неколку извештаи на аналитичарите. Компанијата „Гартнер“ пресмета дека вкупните испораки на компјутери во Русија во последниот квартал во 2012 се намалени за 19 отсто во споредба со четвртото тримесечие во 2011 госдина, а увозот само на ноутбуци е намален за дури 32 отсто. Истовремено, аналитичари од ИДЦ наведуваат дека не се намалени само испораките, туку и продажбата. Во целиот сектор падот изнесувал 23 отсто, при што продажбата на ноутбуци опаднала за 32 отсто.