Украински власти тврдат дека руските сили пукале во автобуси со цивили. 

Велат дека седум лица загинале, а 27 се повредени кога руските сили пукале кон автобуси со цивили во украинското село Бороваја, во близина на градот Харков.

Обвинителството информира дека покренало кривична постапка поради сомнение за „повреда на законите и обичаите на војната, во комбинација со убиство со умисла“.

Инспекторите, ги утврдуваат маршрутите и дестинацијата на возилата што превезуваат цивили преку територијата под руска контрола околу селото Бороваја.

Денеска е 50-ти ден од почетокот на војната. Украинската страна тврди дека досега убиле 20.000 руски војници. Сепак, многу инфромации не може независно да бидат потврдени. 

Русија се закани дека ќе ги уништи националистичките баталјони во Украина и дека тоа е нивната главна цел.