Руските сили планираат со заземањето на градот Соледар да ги отсечат украинските сили во Бахмут. 

Ако тоа им успее, ќе следи „заробување“ на преостанатите украински сили во Бахмут. Руските официјални лица ја соопштија оваа информација. 

Русија тврдеше дека го зазела градот, но Киев одговори дека тоа не е точно и дека таму уште се водат жестоки борби. Украинската страна вели дека имале многу тешка ноќ. 

Од Министерството за одбрана на Украина велат дека нивните борци се трудат да ја одржат одбраната и покрај офанзивата на Русите. 

„Ова е тешка фаза од војната, но ние ќе победиме, нема сомнеж“, рече Хана Малар, заменичка на украинскиот министер за одбрана, Олексеј Резников.