Кремљ го прифаќа извинувањето на српскиот претседател Александар Вучиќ. 

Москва го прифати извинувањето за поддршката на Србија за антируската резолуција за Украина во ОН.

„Се случуваат технички грешки“, изјави портпаролот на рускиот претседател Владимир Путин, Дмитриј Песков.

Тој рече дека брзата реакција на шефот на државата многу ги импресионирала. 

Вучиќ изјави дека српската делегација на Генералното собрание на ОН „по грешка“ гласала за западната резолуција за Украина кога требало да биде воздржана, и им се извини на граѓаните. Според српскиот претседател, Србите гласале за втората, американска резолуција за Украина „како што треба, воздржано“.

Кремљ ја поздрави, како што наведе, „урамнотежената позиција“ на САД во однос на гласањето на Вашингтон во ОН, заедно со Москва, против резолуцијата за Украина подготвена од Киев и Европејците, со која се осудува рускиот напад врз оваа земја.

Вчера се навршија три години од почетокот на руската инвазија на Украина.