Министерот за надворешни работи на Украина, Дмитро Кулеба, ги обвини Русите нарекувајќи ги крадци кои го крадат украинското жито за да го продадат во странство. Кулеба е категоричен дека товарат жито на бродови кои потоа го испраќаат преку Босфор на продажба во странство.

„Ги повикувам сите земји да бидат внимателни и да ги отфрлат сите такви понуди. Не купувајте украдено. Не дозволувајте да станете соучесник во руските злосторства“, напиша Кулеба на Твитер, пренесува британскиот јавен сервис Би-Би-Си.

Медиумот сепак напоменува дека нема потврда за овие тврдења на шефот на украинската дипломатија и дека Русија денеска ги отфрлила како „фалсификувани“ фотографиите на кои се гледа како бродови товараат жито на Крим.

ФОТО: CNN Print Screen