Руска пензионерка треба да плати казна затоа што го пофалила украинскиот претседател Володимир Зеленски. 

Судот во Москва ја казни 70-годишната руска пензионерка Олга Слегина затоа што рекла дека украинскиот претседател Зеленски е убав млад човек со добра смисла за хумор. Слегина го рекла ова минатиот Божиќ додека била на гости во медицинскиот центар, пишува Индепендент. Слегина е обвинета за дискредитација на руските вооружени сили и треба да плати 40.000 рубљи. Слегина рекла и дека „сите се смееле на неговите шеги“, што во полиција го пријавиле уште тројца посетители на кафулето.

„Немате право да го фалите бидејќи тој е наш непријател“, рекол полицаецот кој ја уапсил жената. 

Се вели дека Слегина, која има проблеми со видот, исто така била измамена да потпише изјава во која се тврди дека извикувала „Слава Украина“. Над 20.000 луѓе, вклучително и деца, се уапсени во Русија поради протести против војната. Зеленски порано беше комичар, пред да стане претседател на Украина. Руските пратеници во вторникот усвоија амандмани со кои се заоструваат казните за кривичните обвиненија што се користат за замолчување на критичарите на владата, вклучително и воведување можна доживотна казна затвор за „велепредавство“.