Русија продава украински имот на Крим, од што заработила речиси 50 милиони евра. 

Вилите и хотелите на украинските олигарси се продадени на аукција, пренесува Readovka.News.

Станот на украинскиот претседател Володимир Зеленски и хотелот на неговата сопруга Олена Зеленска наречен „Вила Елена“ беа продадени во Јалта. Властите ги национализираа и хотелот „Илјада и една ноќ“ и трговскиот центар „Бакалеја“. Хотелот „Европа“ е продаден на аукција во Алушта.

Министерката за имотни и земјишни односи на окупираниот Крим, Лариса Кулинич, изјави дека, покрај продажбата на недвижен имот, властите изнајмиле и национализиран имот. Ова вклучува трговски центри, канцелариски простори, кина, магацини за храна и други објекти. Вкупно, околу илјада нови адреси се додадени во регистарот на Регионалната управа за имот.

Поради оваа одлука, како што пишуваат руските медиуми, во буџетот на Крим се внесени 938 милиони рубљи (9,2 милиони евра), што е за 2,5 пати повеќе отколку во 2023 година. 

foto Wikipedia/A.Savin