Смртоносното гранатирање на градот Нова Каховка во јужна Украина, кој е под контрола на Русија, е поради испорака на тешко оружје од американско производство во Киев, изјави висок руски дипломат, пренесоа руските медиуми.

- Ваквите напади врз цивилни места можат само да предизвикаат осуда. Тоа е директна последица на испораката на оружје од страна на САД во Киев - изјави за РИА Новости Дмитриј Полјански, заменик-шеф на руската мисија во ОН.

Украинските војници во понеделникот гранатираа Нова Каховка, град во јужната област Керсон, соопштија локалните власти. Владимир Леонтиев, началникот на градската администрација, во вторникот изјави дека седум лица загинале, а до 70 се повредени. Тој претходно рече дека гранатирањето уништило складиште за вештачко ѓубриво и оштетило неколку куќи, како и други цивилни објекти, вклучувајќи пазар и болница.

Наталија Зарја, која ја координира испораката на хуманитарна помош во градот, изјави дека е уништен и магацин со 35 тони помош, вклучително и храна.

Украинската армија во вторникот објави дека уништила складиште за муниција во Нова Каховка. Украина и Русија постојано се обвинуваат меѓусебно за гранатирање на станбени области и убивање цивили.

A #Russian ammunition depot was hit in the occupied territory of #Kherson region.

An adviser to the head of the Kherson regional state administration, Serhiy Hlan, confirmed that the #Ukrainian Armed Forces had hit an ammunition depot in #NovaKakhova. pic.twitter.com/O9wUznXvwL

— NEXTA (@nexta_tv) July 11, 2022