Русија ќе пренасочи околу 50 милиони тони течен природен гас од европскиот пазар кон Азиско-пацифичкиот регион . Тоа го изјави рускиот министер за енергетика, Александар Новак, на средба со претставници на американскиот бизнис , пренесе ИТАР -ТАСС . "Се очекува во среднорочна перспектива околу 50 милиони тони течен природен гас да бидат пренасочени, односно реекспортирани на азискиот пазар . Притоа разликата меѓу понудата и побарувачката сè уште може да достигне речиси 40 милиони тони . Побарувачката на гас во Европа , пак, достигна најниско ниво , компаниите добавувачи се свртуваат кон зголемената побарувачка на други пазари " , рече Новак . Имајќи ја предвид растечката важност на течниот природен гас на светскиот пазар на гас, Русија презема мерки за создавање на нови капацитети за течен природен гас , додаде министерот .