Висок претставник на Русија пред НАТО Александар Грушко ја претставил информацијата која покажува дека нападот на Турција на бомбардерот Су-24 бил испланиран.

Грушко се состанал со заменик генералниот секретар на Алијансата Александар Вершбоу околу инцидентот со бомбардерот Су-24.

-Му ги претставив сите информации со кои расолага Русија, цела низа политички и воени фактори кои говорат за тоа дека нападот на авионот бил испланиран и тоа на територијата на Сирија-рекол Грушко.

Тој истакнал дека НАТО, не коментирајќи го потегот на турската војска, политички ја брани Анкара и со самото тоа снесува одговорност за инцидентот.

Ова не е прв случај НАТО да применува политика на дупли стандарди кога се работи за северноатлантската солидарност-рекол Грушко и потсетил на претходниот случај кога руски авион го нарушил просторот на Турција при што долетал турски ловец и го пренасочил рускиот авион.

Претходно генералниот секретар Јенс Столтенберг изјавил дека НАТО го поддржува правото на Турција да го брани својот воздуше простор , но и за потребата за деескалација на тензиите.

Столтенберг исто така изјавил дека е неопходно да се обнови директниот контакт помеѓу Анкара и Москва.