РУСИЈА И УКРАИНА СО РАЗЛИЧНИ ТВРДЕЊА: Под чија контрола е Соледар?
Русија и Украина пласираа различни информации за тоа под чија контрола е Соледар во источна Украина.
Украинските вооружени сили ги негираа руските тврдења дека Русија веќе го контролира малиот град Соледар, јави ДПА.
„Русите велат дека Соледар е под нивна контрола. Тоа не е точно“, изјавија денеска украинските вооружени сили.
Шефот на руската платеничка група Вагнер, Евгениј Пригожин, претходно тврдеше дека неговите борци ја презеле контролата врз Соледар. Низ тој град минува мрежа од патишта и железници преку кои се снабдуваат украинските војници во Донбас.
Украински војник, кој се бори на источната страна на Соледар, за Си-Ен-Ен изјави дека ситуацијата во градот е критична.
„Се одржуваме колку што можеме до крај“, изјави војникот.
Војникот објасни дека од вторникот вечер не е јасно колкав дел од градот е под руска контрола.
Рускиот министер за одбрана Сергеј Шојгу изјави дека во текот на 2023 година ќе се прошири арсеналот на модерно ударно оружје на руската армија.фото принтскрин
Слично
Поврзани вести
