Русија и Кина се изјаснија против нуклеарната програма на Северна Кореја. Двете земји, исто така, се спротивставија на распоредувањето на американскиот противвоздушен систем ПРО на Корејскиот полустров.

Ова стана јасно за време на посетата на кинескиот министер за надворешни работи Ван И во Москва. Тој се состана со својот колега Сергеј Лавров и со рускиот претседател Владимир Путин.

Заедничкиот став на Москва и Пекинг е дека плановите на САД за распоредување на ПРО ја надминуваат секоја наводна закана што може да дојде од Пјонгјанг.

За време на прес-конференцијата со кинескиот колега, Лавров истакна дека плановите за поставување на системот на полуостровот едвај се предизвикани само од невоздржаните активности на Северна Кореја.

Русија сепак сака искрен разговор со САД во однос на ракетната програма, бидејќи таа се заканува со нарушување на глобалниот паритет и стратешката стабилност, додаде Лавров и објасни уште дека овие планови ги надминуваат евентуалните закани од страна на Северна Кореја.

Од своја страна, кинескиот министер за надворешни работи Ван И објасни дека исто така не го смета за уникатно распоредувањето на американскиот систем, и истакна дека и Кина е против тоа. Иако несогласувањето со активностите на Вашингтон и Суел, Москва и Пекинг изјавија дека нема да го прикриваат Пјонгјанг и ќе работат со остатокот од меѓународната заедница за изнаоѓање на решение за проблемот со севернокорејската нуклеарна програма.

Двајцата министри изразија надеж дека нивните колеги од Северна Кореја ќе бидат внимателни, а кинескиот министер за надворешни работи истакна дека и двете држави не ги признаваат амбициите на Пјонгјанг за развивање на сопствена нуклеарна програма.

Треба да се блокира развојот на нуклеарното оружје во Северна Кореја, заедно со кое треба да се прекине негативното влијание на санкциите против народот на Северна Кореја, истакнаа уште тие.

Двајцата министри исто така, истакнуваат дека односите меѓу Русија и Кина достигна многу високо ниво на доверба што е „без преседан“ за последните неколку децении. Како пример беше даден усвоениот документ за годишните консултации меѓу двете министерства за надворешни работи за 2016-та, кој предвидува 50 средби на заменик-министри и директори на одделенија, како и планираната  посета за оваа есен на Путин во Кина за време на средбата на Г20 во Хуанджоу.