Министерството за надворешни работи на Русија го осуди рушењето на спомениците од советската ера во балтичките земји како „русофобично“ и рече дека тоа ќе влијае на билатералните односи.

Според Ројтерс, Москва во остра изјава ги обвини Латвија, Литванија и Естонија за ксенофобија и дискриминација, велејќи дека тие ги третираат етничките руски малцинства како „луѓе од втор ред“.

„Ова што сега се случува во балтичките земји за нас е неприфатливо и секако ќе влијае на состојбата на билатералните односи со овие земји кои и онака се во целосен пад“, соопштија од руското МНР.

Отстранувањето на советските споменици во балтичките земји започна откако Русија ја нападна Украина.