Американската крајбрежна стража соопшти дека робот далечински управуван (ROV) открил остатоци на дното на Атлантскиот Океан.

A debris field was discovered within the search area by an ROV near the Titanic. Experts within the unified command are evaluating the information. 1/2

— USCGNortheast (@USCGNortheast) June 22, 2023

Поле со отпад беше откриено во областа за пребарување од страна на ROV во близина на Титаник. Експертите во рамките на унифицираната команда ги анализираат информациите.

Во потрагата по исчезнатата подморница „Титан“ денеска се вклучи и роботска подморница (ROV) управувана од далечина, испорачана од канадскиот брод „Horizon Arctic“.

Малата туристичка подморница го испратила последниот сигнал до матичниот брод во неделата, еден час и 45 минути по нуркањето.

Во него се наоѓаат британскиот милијардер Хамиш Хардинг, пакистанскиот бизнисмен Шахзада Давуд и неговиот 19-годишен син Сулејман, францускиот истражувач Пол-Анри Наржело и Стоктон Раш, извршен директор на „Oceangate Expedition“, компанијата што ја организираше оваа турнеја.