Пред изборот на новиот папа, цените во Рим и Ватикан полудеа, па хотелите кои обично чинеа од 150 до 300 евра за ноќ сега се искачија на 500 евра, а пица во популарните пицерии во близина на Ватикан чини 30 евра. Безбедноста на плоштадот „Свети Петар“ ќе биде подигната на високо ниво, бидејќи во деновите на конклавата, многумина ќе се соберат за да го видат чадот од Сикстинската капела што покажува дали кардиналите избрале нов папа или не.

Религиозниот бизнис околу Ватикан исто така оди добро, каде што продавачите нудат разни предмети со ликот на папата Франциско, но и безброј религиозни предмети кои се продаваат поради зголемен интерес за многу повеќе пари од вообичаеното.

Италијанските дневни весници како „Кориере дела Сера“ нудат специјални додатоци во кои се зборува за конклавата и папата Франциско, а целиот Рим живее во духот на изборот на новиот поглавар на Римокатоличката црква.