Основната верзија за причините за бродската несреќа на рибарскиот брод во Охотско Море е превртувањето .

Претседателот на Комисијата за вонредни ситуации во рускиот Камчатски крај Сергеј Хабаров соопшти дека најверојатно инцидентот е предизвикан поради превртување на бродот.

Тој додаде дека според прелиминарните податоци во инцидентот преживеале 56 луѓе, седуммина од нив се во тешка состојба. Од командата на бродот единствениот преживеан е третиот морнар Анатолиј Марвинюк.

Бројот на спасувачите, кои работат во Охотско Море, каде пред неколку часа потона рускиот рибарски брод „Далечен Исток“, бил дуплиран и во моментов на местото на инцидентот работат околу илјада и четиристотини души, пренесе РИА Новости.

Досега се пронајдени педесет и четворица загинати, а судбината на уште петнаесет засега е непозната.