Руските зборови не вредат ниту за хартијата на која се напишани, вели украинскиот министер за одбрана, Олексеј Резников. 

„Што да правиме? Решението е јасно. Русија победува кога ќе успее да нè раздели, кога ќе нè нападне еден по еден користејќи ги своите ресурси. Но, Русија губи и се повлекува кога ја губи иницијативата и кога напаѓа на заеднички отпор“, рече Резников.

Резников, присуствуваше на донаторска конференција за Украина во Копенхаген со данскиот министер за одбрана, Мортен Боедски, и британскиот министер за одбрана, Бен Валас.

Украинскиот министер им се заблагодари на Боедски и Валас за континуираната поддршка и го издвои американскиот министер за одбрана, Лојд Остин, чија помош исто така ја цени. Војната почна на 24 февруари. Засега не е на повидок договор меѓу двете завојувани страни. Секој ден гинат цивили.