Нивната репрезентација нема да настапува на Светското првенство ова лето, но Кинезите ќе бидат најбројните навивачи и „ќе ја преплават“ Русија за време на Мундијалот.

Повеќе од 100.000 Кинези ќе одат во Русија во живо да ги проследат натпреварите на Светското првенство во 2018 година, пресмета евиденцијата на „Глобал тајмс“.

Бројот на кинески туристи кои ќе ја посетат Русија од јануари до јули оваа година се очекува да се зголеми за 50% во споредба со истиот период минатата година.

Туристичката компанија „Ctrip“ објави дека 57 отсто од оние кои договориле турнеја во Русија за Светското првенство се жени.

Домаќинот на Мундијалот очекува кинеските навивачи значително да ги зголемат финансиските бенефиции од организацијата на СП. Како пример, еден од кинеските навивачи потрошил 132.700 долари за да присуствува на еден натпревар.