Регулаторните тела на Европската унија се блиску до наметнување на солидни казни на големите банки поради обвинувањата за обид за манипулација на индикаторите на каматни стапки . Се очекува казните за шесте банки да бидат објавени следниот месец , кога ќе биде и крајот на истрагата дали банките ги местеле индикаторите како London interbank offered rate ( Libor ) и Euro interbank offered rate ( Euribor ) . Истрагата од страна на ЕУ трае повеќе од две години . Казните најверојатно ќе изнесуваат стотици милиони евра за помалите банки и ќе се приближуваат кон границата од една милијарда евра за банките гиганти , кои според регулаторните органи се одговорни за манипулирање на каматната стапка . При таков тек, предметните парични казни би се наредиле меѓу најголемите наметнати некогаш во ЕУ . Банките , кои се очекува да бидат казнети , се француските Credit Agricole и Societe Generale , германската Deutsche Bank , британските HSBC Holdings и Royal Bank of Scotland , како и САД J. P. Morgan Chase & Co . Barclays најверојатно ќе се извлече од солената казна поради силна соработка со регулаторните тела на ЕУ .