Најголемиот руски аеродром Шереметјево испрати 40 отсто од својот персонал, меѓу 6.000 и 7.000 луѓе, на принуден годишен одмор на неодредено време поради санкциите на Европската унија и САД.

Пред неколку дена, светските агенции јавија дека Шереметјево, инаку најголемиот руски аеродром, привремено затворил некои од своите терминали и ги запрел инвестициските проекти.

Во соопштението на аеродромот наведено беше дека терминалите Е и Д привремено се затворени поради намалениот патнички сообраќај што го предизвикаа санкциите. Истакнато е и дека е затворена и третата писта на аеродромот.

„Преземените мерки ќе важат до враќањето на обемот на патничкиот сообраќај“, се вели во соопштението.

Европската Унија и Соединетите Американски Држави одлучија да го затворат воздушниот простор за руските авиони, а Русија, исто така, спроведе слична одлука поради санкциите. Некои воздушни и туристички компании во Русија ги запреа своите меѓународни летови поради опасноста од заплена на руски авиони од страна на западни компании.

The largest airport in the #Russian Federation, Sheremetyevo, sent 40% of its staff (6-7 thousand people) on vacation for an indefinite period on the backdrop of #EU and #US sanctions against the Russian aviation industry, Izvestia reports pic.twitter.com/dSNygLJaq9

— NEXTA (@nexta_tv) March 21, 2022