Разрешен е уште еден руски генерал. Станува збор за командантот на Источниот воен округ, генерал-полковник Александар Чаик, објави вчера рускиот портал РБЦ. Кремљ и руското Министерство за одбрана не ја потврдија оваа информација.

РБЦ, повикувајќи се на јавно достапни државни регистри, објави дека генерал-полковник Рустам Мурадов е назначен за негов наследник.

Источниот воен округ ги опфаќа војниците на рускиот Далечен Исток, иако повеќето од нив моментално се распоредени во Украина.

Мурадов беше санкциониран од ЕУ во февруари, претходно служеше во Донбас и командуваше со руските мировни сили во регионот Нагорно-Карабах каде има немири меѓу Ерменците и Азербејџанците. 

Командантот на Западниот воен округ, генерал-полковник Александар Журављов е разрешен, веднаш по драматичните загуби на Русија минатиот месец и загубата на Лиман во Доњецк. Истата судбина ги снајде и други руски генерали. 

Украина ги враќа окупираните територии кои Русија ги анектираше. Војната почна на 24 февруари кога Русија ја нападна Украина. Претходно, руските власти уверуваа дека тоа нема да се случи.